„მხარდაჭერის სახლის“ შინმოვლის პროგრამის ფარგლებში კასპის მუნიციპალიტეტის სოფლებში მორიგი მონიტორინგი ჩატარდა, რომელშიც მოწვეული ექსპერტი მონაწილეობდა.
მონიტორინგის მიზანია შინმოვლის სერვისის ხარისხის გაუმჯობესება, სამუშაო პროცესის შეფასება და გუნდის პროფესიული განვითარების ხელშეწყობა.
ექსპერტის ჩართულობა გუნდს ეხმარება მომსახურების ხარისხის გაუმჯობესებაში, პროფესიული რეკომენდაციების მიღებასა და პრაქტიკაში დანერგვაში. ეს პროცესი ასევე ხელს უწყობს გუნდის წევრების პროფესიული თავდაჯერებულობის განმტკიცებასა და მათი შესაძლებლობების შემდგომ განვითარებას.
ჩვენთვის მნიშვნელოვანია მუდმივი განვითარება, გამოცდილების გაზიარება და თითოეული რეკომენდაციის გათვალისწინება, რათა შინმოვლის სერვისი კიდევ უფრო ეფექტიანი, ხარისხიანი და ადამიანზე ორიენტირებული გახდეს.
ერთად, მეტი ზრუნვისა და უკეთესი ხარისხის უზრუნველსაყოფად!
