ხანდაზმულ ადამიანებზე ზრუნვა საპატიო საქმეა

ხანდაზმულ ადამიანებზე ზრუნვა საპატიო საქმეა. 

საქართველოში ათასობით უფროსი თაობის ადამიანი საჭიროებს ყოველდღიურ ზრუნვასა და ყურადღებას. ისინი ხშირად არიან უგულებელყოფილნი და განიცდიან სიმარტოვეს. არ აქვთ დაფასებისა და მხარში დგომის შეგრძნება საზოგადოებისგან. მათი სურვილები და გრძნობები ძირითადად ყურადღების მიღმა რჩება და ხშირად ყოველდღიურ საჭიროებებსაც კი ვერ უმკლავდებიან დამოუკიდებლად.

• ხანდაზმულთა შინმოვლა ევრუპულ ქვეყნებში მიღებული პრაქტიკაა და გულისხმობს პროფესიონალი მომვლელების ექთნებისა და ტექნიკოსების რეგულარულ ვიზიტებს მათსავე სახლებში, სადაც ისინი თავს ყველაზე უსაფრთხოდ და კომფორტულად გრძნობენ.
• მხარდაჭერის სახლი დმანისის, გორის, კასპისა და თეთრიწყაროს  მუნიციპალიტეტებში რამდენიმე ათეულ ხანდაზმულს აწვდის შინმოვლის სერვისს. ჩვენი შინმოვლის გუნდი ზრუნავს, რომ ბენეფიციარებს ჰქონდეთ ჯანმრთელობა, სიმშვიდე და მომავლის იმედი.
• ჩვენი საქმიანობა ხორციელდება დმანისის, გორისა და კასპის  მერიებთან და სოციალურ სამსახურებთან მჭიდრო თანამშრომლობით - ერთად ზრუნვა ჩვენი საზოგადოების უფროს წევრებზე - ნიშნავს იმედით და მზრუნველობით სავსე მომავალს.

დიდი მადლობა გვინდა გადავუხადოთ თანამშრომლობისთვის ყველა უწყებას და ასევე თითოეულ ადამიანს, რომელიც დონაციის მეშვეობით გვეხმარება ამ კეთილ საქმეში.

დონაციისთვის გთხოვთ ეწვიოთ ბმულს: https://hosgeorgia.ge/ka/donation

თქვენი დახმარებით უფროსი თაობის წარმომადგენლებთან, ყოველდღიურად მიგვაქვს იმედი და მზრუნველობა!